Հանդիպում թարգմանիչ Աշխեն Բախչինյանի հետ
Դպրոց-պարտեզի համար գեղեցիկ օր էր նաև դեկտեմբերի 11-ը: «Հարյուրամյա ծերուկը, որ բարձրացավ պատուհանին և անհետացավ»,
«Երկարագուլպա Պիպին», «Ամեն ինչ Տանիքի Կառլսոնի մասին», «Էմիլը Լյոնեբերգայից» գրքերի թարգմանիչ Աշխեն Բախչինյանին հյուրընկալեցինք մեր ընթերցասրահում: Նշված գրքերի հեղինակը շվեդ մանկագիր Աստրիդ Լինդգրենն է, ում գործերը թարգմանվել են աշխարհի տարբեր լեզուներով: Աստրիդ Լինդգրենի ստեղծագործությունները դեռ մանկուց հետաքրքրել են Աշխեն Բախչինյանին և նա սիրով զբաղվել է դրանց թարգմանությամբ: Սովորողներն իրենց հետաքրքրող հարցերն ուղղեցին տիկին Աշխենին և կիսեցին իրենց տպավորությունները: Ոմանք նաև իրենց հեքիաթն էին կառուցել Լինդգրենի հերոսների մասնակցությամբ :
«Եթե ուզում ես չաշխատել, զբաղվիր սիրելի գործով»,- մեջբերում արեց մեր սիրելի թարգմանչուհին և սովորողներին խորհուրդ տվեց հաճախ կարդալ ու սիրել ընթերցանությունը: Աշխեն Բախչինյանը նշեց, որ առաջիկայում սպասվում են հետաքրքիր գրքերի նոր թարգմանություններ:
Հանդիպումը շատ հագեցած ու տպավորիչ էր: Շնորհակալություն սիրելի տիկին Աշխենին իր կատարած կարևոր աշխատանքի և գեղեցիկ հանդիպման համար…
Комментариев нет:
Отправить комментарий