Երեխաները միանգամից և հեշտությամբ են համակերպվում երջանկության հետ, քանի որ իրենց էությամբ նրանք իրենք են հանդիսանում ուրախություն և երջանկություն:
ՎԻԿՏՈՐ ՀՅՈՒԳՈ
Ամառային ճամբարի մեր առաջին օրը շատ հետաքրքիր և բովանդակալից էր: Օրվա մեկնարկը տրվեց 09:00-ին: 19 հոգանոց խմբով, Մեծն Կոմիտասի «Կաքավիկ» երգը մեր շուրթերին, քայլեցինք դեպի Մայր դպրոց: Մարմարյա սրահում երգեցինք, պարեցինք, լսեցինք մեր սիրելի տնօրեն՝ տիար Բլեյանի և Կրթության ,գիտության նախարար՝ Լևոն Մկրտչյանի ողջույնը, այնուհետև կրթահամալիրի բակում երեխաները զբաղվեցին կավագործությամբ, ուսումնասիրեցին բատիկայի վրա արված աշխատանքները: Ինչպես նաև պատասխանեցին լրագրողների հարցերին, պատմեցին մեր ամառային ճամբարի մասին և կիսվեցին իրենց տպավորություններով:
Օրը շարունակեցինք Դպրոց-պարտեզի լուսավոր ու գեղեցիկ ճաշարանում: Սովորեցինք ճաշից առաջ ասվող աղոթքը: Այնուհետև՝ լող, բակային խաղեր, շախմատ, ընթերցանություն….
Երեխաները ոգևորված մասնակցեցին բնագիտական փորձին՝ (փուչիկները փչեցին սոդայի և կիտրոնի աղի խառնուրդով), այնուհետև վերլուծեցին և նկարեցին իրենց աշխատանքը…
Ինձ համար կարևոր է յուրաքանչյուր երեխայի տրամադրությունը և ես ինձ երջանիկ եմ զգում, որ օգնում եմ երեխաներին հետաքրքիր գույներով լցնել ամառը…
Հաճելի ամառ բոլորիս…
Սիրով՝ Քրիստինե Հովսեփյան
Комментариев нет:
Отправить комментарий